Tranpatxo digitalak

Interneten dabiltzan bi argazki hauek argi erakusten dute Jessica Albak Machete filman agertzen duen biluztasuna efektu bereziek sortutakoa dela.

Daily Mail egunkari britaindarrak bere edizio digitalean argitaratutakoaren arabera,  Jessica Albak kulero eta bulerretakoak jantzita filmatu zituen zenbait eszena Robert Rodríguez-en azken filmean, baina geroago jantzi horiek ezabatu egin ziren postprodukzio-lanetan.

Machete pasa den irailaren 3an ikusi bazen ere lehen aldiz Estatu Batuetan, estreinaldia eta egun batzuetara sortu zen iskanbila aktoresa kaliforniarraren jarraitzaileen artean, Jessicaren zenbait irudi sarean filtratu zirenean, bertan larru-hutsik agertzen zela dutxa bat hartuz.

Dena den, Jessicak askotan adierazi du ez duela filmetan biluzirik agertu nahi eta hortaz truko digitaletara jo behar izan du larrugorrian agertzeko.

Antza denez, Jessica Albak larrubizirik agertzearen inguruan duen jarrera hori familiaren ohituretatik datorkio.

"Ez naiz sekulan eroso sentitu nere gorputzaren garapenarekin, eta gogoratzen dut nere amona zoro moduan jartzen zela galtzontziloak edo bularretakoak jantzita ikusten ninduen bakoitzean" deklaratu zion J. Albak Daily Mail-i.

Harrigarria bada ere, J. Albak dioenez, biluzirik baino errazago zaio sexi sentitzea jantzita dagoenean.