“Lokuzioa eta bikoizketa” eta “Zinerako musika sortzea”ri buruzko ikastaroak Gasteizko Film Office-n

Gasteizko Film Office-k ikus-entzunezkoen arloko bi ikastaro antolatu ditu urte zaharrari agur esateko : “Lokuzioa eta bikoizketa” bata, eta “Zinerako musika sortzea”, bestea. Biok ikus-entzunezkoen arloko adituek emango dituzte abenduaren 12a eta urtarrilaren 30a bitartean.

Ikastaro horiek ematearen ardura izango duten irakasleak esperientzia handiko profesionalak dira zinemagintzan: Bingen Mendizabal, Juanan Ros, Mario Hernández, Kike eta Nando de la Casa.

Ikastaroen iraupena 50 ordukoa izango da baina beste 12 ordu gehitu behar zaizio amaiera-proiektua burutzeko. Klase bakoitzean 5 ikasle baino ez dira izango.

“Lokuzioa eta bikoizketa” ikastaroa 12:00etan hasi eta 14:00etan amaituko da eta "Zinerako musika sortzea” delakoa 17:00etan hasi eta 19:00etan bukatuko da.

Izena ematea librea da eta horretarako epea azaroaren 29a arte (12:00) dago irekita. Interesdunek izen-abizenak, harremanetarako helbide eta telefonoa eta kurrikuluma bidali behar dituzte  info@filmoffice.es helbidera.

Hautaketa egiterakoan, ikasle-gaiek aukeratutako ikastaroko arloan (ikus-entzunezkoak, musika-sorkuntza, lokuzio edo hizkuntzak) dituzten ikasketak eta esperientzia baloratuko da.

Hona hemen ikastaro bion programa:

“LOKUZIOA ETA BIKOIZKETA” IKASTAROA

• Soinu eta teknologia. “Soinuaren bilakaera” (15 ordu)

• Lokuzioa eta bikoizketa (15 ordu)

• Ariketa praktikoak teknikariak lagunduta (15 ordu)

• Amaierako proiektua “Zinerako musika sortzea” ikastaroko ikasleekin batera. (15 ordu)

• Modulua Bingen Mendizabal musikagilearekin; “Bingen Mendizabal-en obra aztertu” (5 ordu)
  

“ZINERAKO MUSIKA SORTZEA” IKASTAROA

• Soinu eta teknologia. “Soinuaren bilakaera” (15 ordu)

• Zinemarako musika sortzea (15 ordu)

• Ekoizpena eta nahasketak (15 ordu)

• Amaierako proiektua “Lokuzioa eta bikoizketa” ikastaroko ikasleekin batera (15 ordu)

• Modulua Bingen Mendizabal musikagilearekin; “Bingen Mendizabal-en obra aztertu” (5 ordu)

Bingen Mendizabal Zigoitia aretoan bere lan gustukoenetako bat aurkezten: Patxo Telleríak eta Aitor Mazok zuzendutako "La máquina de pintar nubes" filma