“Muy Bridge” afixa Animabasauri zinemaldiaren 8 . edizioko irudia

Raúl López Martín-en "Muy Bridge" izeneko afixa izan da Animabasauri-Animabasque Kartelen V. Lehiaketaren irabazlea

ANIMABASAURI-ANIMABASQUE Kartelen V. Lehiaketaren epaimahaiak afixa irabazlea eta maiatzaren 25 eta 31 bitartean garatzekoa den animazio-zinemaldi honen 8. edizioko irudia zein izango den iragarri berri du.

Web-orri ofizialean jakinarazitakoaren arabera, zinemaldiko antolakuntzako kideek eta Basauriko Udaletxeak osatzen duten epaimahaiak erabaki du, jasotako kartelen kalitate eta kopuru handiak eragindako hautaketa korapilatsu baten ondoren, saria Raúl López Martín artista nafarrari ematea  “MUY BRIDGE” izeneko lanagatik.

Berritasun gisa aurten Facebook sare sozialaren bidez jasotako boto herrikoiak kontutan izan dira, hemen ere Raúl López-en lanak jasotako euskarriak ugari izan direlarik.

Dotore, egungoa, modernoa, erakargarria, soila eta beltzez, horiz eta zuriz jantzita, kartel irabazleak, eta  ANIMABASAURI-ANIMABASQUEren irudi berriak, Zinemaldiaren arima biltzen du, antolatzaileen ustez.

Iturria: http://www.animabasauri.com/eu/