Klaketa
31Mar/140

Logorama

logorama_01-1200

Logorama, 16 minutuko animazio-film labur zoragarria dugu, François Alaux, Hervé de Crecy eta Ludovic Houplain artista frantziarrek egina eta Autour de Minuit-ek ekoiztuta. Filmean hainbat enpresa ezagunen 2.500 logoz eta maskotez beteriko Los Angeles batean gertatutako hainbat gertakizun kontatzen dira. Estatu Batuetako eta, orohar, gizarte garaikideko kontsumo-gizartearen bertsio ironiatsua dugu logotipoak eta ikusentzunezkoak erabiliz. Bertan hamaika marka hezurmamitzen dira euren ezaugarrien onena edo txarrena agerian uzteko. Film labur honek Kodak Saria eskuratu zuen 2009. urtean Cannes-eko Zinemaldian eta animazio-film labur onenaren Oskarra 2010 urteko edizioan.

Esan beharrik ezdago merkataritza-enpresen logotipoak leku guztietan azaltzen zaizkigula eguneroko bizitzan. Horixe erakusten du Logorama laburmetraiak baina oso modu kritikoan Hollywoodeko film klasikoen egitura erabilita karikatura gisa. H5 taldekoek adierazi bezala, Logorama-k merkataritza-marketan eta kontsumoan oinarritutako eta eraikitako mundu bat erakusten digu. Logotipoez jositako oihan horrek oso mundu kezkagarria erakusten digu eta, egia esan, are kezkagarriagoa bizi garen egoeratik oso urrutik ez dagoen aldetik, grafikoak lagun (edo etsai) dugula edonon gaudela ere. Film honek egiten digun proposamenaren arabera, natura da plastikozko mundu horri aurre egiteko gertu dagoen bakarra eta, hortaz, hondamendi fantastiko eta absurdu baten bitartez (lurrikara eta petrolio-tsunamia barne) unibertso hori guztia suntsituko du. Azken buruan, sormenak arrazionaltasuna menderatuko du, eta natura eta gizakion fantasia kontsumismoaren gainean nagusituko.

Benetan merezi du ordu laurdentxoa hartzeak ikusentzunezkoen bitxi hau ikusteko ARGIA Multimediak bideratutako estekan. Gainera, orain Luistxo Fernandez-i esker euskarazko azpitituluez lagunduta ere ikustea dugu.

http://www.argia.com/multimedia/laburra/logorama

21Feb/120

Zinerako trikimailu eta lagungarriak

Madrileko Zine Institutuak  “Packs de Pistas” izeneko baliabidea jarri du abian Facebook gizarte-sarean duen webgunean: (www.facebook.com/instituto.del.cine.madrid).

Bertan zinemagintzan hasten ari direnentzako argibide interesgarriak, aholkuak, trikimailuak edo gida-bideoak eskaintzen dira.

Atala aldizka berrituko da eta ekimen horri hasiera emateko “Gezurrezko Odola” gaia aukeratu da. Hortaz, oraingoan  odolezko filmaketak egiteko errezetak, linkak eta pista interesgarriak ematen dira.

Laster beste gai batzuk aurkeztuko dira, esaterako, “kreditu-tituluak”, “eskubiderik gabeko musika librea”, “kostu txikiko jantziak” edo “zauriak eta ebakiondoak”.

2Jan/110

The Worldwide Guide to Movie Locations

guidetomovielocations

The Worldwide Guide to Movie Locations izeneko web-orria duela gutxi ari da indarrean eta helburu dauka zenbait filmaren lokalizazioen berri ematea. Izan ere, une honetan 1600 filmen eszenatokiei buruzko informazioa dago.

Beraz, film jakin baten eszenak non grabatu ziren jakiteko irrikitan bagaude, edo gure gogoko aktore edo zuzendarien filmen lokalizazioak bisitatzeko asmoa badugu, filmaren izenburua edo nahi dugun aktore nahiz zuzendariaren izena aukeratuta erraz topatuko ditugu. Bestetik ere badago mapa interaktibo bat herri bat aukeratu eta bertan filmatutako zenbait pelikularen lokalizazioak bilatzeko.

world-not-enough-swiss-bank-industry-bilbao-plate

17Oct/101

Online zinea Pelis24 web-orrian

pelis24

Pelis24 web-orrian film eta telebista-saioak ikus ditzakegu dohainik eta ezer jaitsi beharrik gabe. Filmak kalitate ezberdinetan ikusteko aukera dago gure internet-zerbitzuaren arabera. Jatorrizko bertsioan dauden filmak gaztelerazko azpitituluekin datoz eta film-zerrenda etengabe ari da eguneratzen.  Film guztiak generoaren arabera daude sailkatuta modu errazean bilatu ahal izateko. Gainera, filmarekin batera sinopsia dago eta iruzkinak egiteko parada.

Pelis24 orrian, beste web-guneetan ez bezala, ez dago filmak ikusteko denbora-mugarik. Izan ere, ez dute megaupload bideo-zerbitzua erabiltzen zerbitzu propioa baizik.